今日接咗個job去青年敢夢創業市集到駐場畫名，心諗我又唔青年又唔敢夢只係一個潦倒中年👴🏻去到置身喺一堆青春熱血中學生入面真係相形見絀我見猶憐，有個唔識嘅女學生走過嚟畫名同問我：「呢度係咪全部都係中五㗎？」我答佢：「唔知係咪中五，但全部檔主都係中學生嚟！」佢追問：「你係咪都係吖？」
我高潮了。
現年三十二歲嘅潦倒中坑冠瑤竟然可以同一班青少年爭妍鬥麗，亂入你地16碎中五卜卜脆嘅大家庭👴🏻簡直係人性的光輝！要上山劏豬還神先得😛跟住又有個師奶話我似二十二歲，我忍不住高潮迭起迷失咗自己！
擺完檔我掃街咁喺每檔中學生開嘅檔瘋狂購物let’s go shopping支持吓佢地啲好raw好pure好true嘅創意💁🏻♂️好似見返16年前第一次擺市集賣畫賣hand-made sketch book嘅自己，個陣我啲畫賣兩蚊張都冇人問津😢
跟住event畫完畫就去咗九展💁🏻♂️原本我聽日先喺九展香港插畫及文創展擺檔，但見咁近就過去探吓fd同狂買嘢😛聽講可能受疫症影響咗人流，但我見好多檔主嘅作品同產品都整得好靚好有風格，我自己好明白做完貨但冇乜人買嗰種被否定、不被需要嘅心情，就用咗今日份糧瘋狂買咗好多我欣賞嘅Artist嘅作品，好多時候我買一樣野唔一定係需要/想要/想買嚟收藏，而單純係因為我鍾意果個artist嘅風格而想支持吓佢，想佢知道有人鍾意佢嘅作品，所以好多買返嚟嘅嘢我都會即刻拎嚟向其他朋友show off😛佢地一話靚同想要我就會送比佢，等呢啲野唔會擺喺我屋企囤積變成雜物咁可惜，而係送到比想要佢地嘅人手上💁🏻♂️希望大家都可以感受到今日我被人誤認做青少年呢份高潮一樣嘅喜悅，善哉善哉🙏
Search